Nobis est cordi suscipere nuntios ex antiquis Facultatis discipulis. Quapropter summo cum guadio accepimus Kenneth Adesina, Nigerianum sacerdotem, apud Nationalem Studiorum Universitatem Ibadansem in patria sua magistrum esse renuntiatum qui Linguam et Litteras Latinas doceret. Kenneth noster, postquam dissertationem de institutione iuxta Quintiliani praecepta comparata cum institutis gentium Nigerianarum tradidisset, doctoratum feliciter impetravit, moderantibus clarissimis magistris Roberto Fusco et Christiana Freni. Cum iam scholas habeat ut tirones ad Sacra erudiantur sermone Latino et Patrum Ecclesiae sententiis imbuantur, etiam hoc munus suscepit Kenneth qui, animo grato erga Almam Matrem ubi studiis sedulius vacavit, Humanitatis semina hodie fundit etiam apud illas plagas longinquas ubi plurimi adulescentes spem magnam afferunt nobis ut cultus civilis, hereditate maiorum innixus, servetur augeatur florescat.
 

Avvisi

Questo sito o gli strumenti terzi da questo utilizzati si avvalgono di cookie necessari ad offrirti un'esperienza di navigazione ottimizzata e in linea con le tue preferenze. Per saperne di più, consulta la nostra cookie policy.

Chiudendo questo banner o proseguendo la navigazione in altra maniera, acconsenti all’uso dei cookie. Per saperne di piu'

Approvo

Galleria fotografica

collage header 5