“Sicilides Musae” cecinerunt neque paucos neque mediocres scriptores rerum concitaverunt et poetas. Hanc ob rem per saeculorum decursus, praesertim temporibus recentioribus, viri studiosi indagaverunt utrum conscribi posset historia Litterarum Graecarum quae in Trinacria floruere. Hoc de statu quaestionis dissertationem ad doctoratum exaravit, qua es doctrina, professor Marcus Trizzino qui est laudatus a censoribus, potissimum a clarissimo magistro Roberto Nicolai qui Litteras Graecas tradit apud Studiorum Universitatem “A Sapientia” nuncupatam. Propinquis carissimis et amicis plaudentibus, Marcus doctor est renuntiatus die XVI mensis Dec. anno MMXXII a reparatione salutis. Macte virtute