Inter insignes benefactores Facultatis potissimum est adnumeranda domina Daniela Pagano ex Brutiis sed Perusiae nunc temporis vitam vivens, utriusque iuris peritissima, quae iterum iterumque, qua est liberalitate, opem tulit variis discipulis nostris indigentia laborantibus. Quapropter Praeses-Decanus recentius pandit animum nostrum gratissimum erga tantam mulierem quae olim, cum adulescentula esset, discipula fuit Roberti nostri eaque laudanda. Coram qua allocutionem habuit Miranus ac munera obtulit Danielae nomine totius Facultatis.