Praeses-Decanus Facultatis una cum Amanuensi generali petiverunt domum a “Sacro Corde Iesu” nuncupatam ubi Moderatores Societatis Salesianae habitant ut munus traderent Francisco domino Cereda qui Rectoris Maioris est Vicarius.
/nQuid sit munus minime te lateat, o candide Amice. Scito igitur Robertum Spatharum, professorem nostrum Latinitatem Salesianam impigre seduleque colentem, libellum confecit de Ioanne Baptista Francesia, olim Ioannis Bosco alumno et facundissimo scriptore Latino, eiusque quodam opusculo Latino sermone perbelle conscripto. Quod libellum munere est donatum Francisco Cereda quoniam auctor illi Antistiti opus obtulit suum, ut patet legenti elogium inito additum. Quod, si tibi placeat, infra legas.
FRANCISCO DOMINO CEREDA
TVM SEDVLO TVM PIO
SACERDOTI
ANIMARVM SALVTEM ET DEI GLORIAM
COLENTI OPERANTI FOVENTI
VIRO DOCTISSIMO
VARIIS IN DOCTRINAE PROVINCIIS
VIRTVTIBVS ORNATO PRAECLARIS
INTER QVAS ELVCENT
IVSTITIA CONSTANTIA INDVSTRIA
ALTERI SALESIANORVM SVPREMO MODERATORI
QVORVM RES VIGILANTER TVETVR
DIGNISSIMO QVI IOANNIS PATRIS BOSCO IMAGO HABEATVR
MAIORVM VESTIGIIS INSISTENTI
EORVMQVE PIETATIS DOCVMENTA ET NAVITATIS IMITANTI
LATINITATEM EAMQVE SALESIANAM PROPVGNANTI
HANC OPELLAM
ANIMO QVIDEM GRATO
PROPTER INNVMERA BENEFICIA ACCEPTA
LIBENTI ANIMO ET MAGNA VOLVNTATIS SIGNIFICATIONE
MARIA SANCTISSIMA CHRISTIANORVM AVXILIO SOSPITE
DO DEDICO ET OFFERO