Cum conventum iam initum esset inter Facultatem nostram et Cassoviensem studiorum Universitatem in Republica Slovaca,
/nmagistri nostri invitati sunt ab illius Universitatis moderatoribus qui praesunt instituto rerum humanarum historiae studiis provehendis. Quapropter Miranus Sajovic, doctus Praeses noster et iucundus, necnon Robertus Spatharo, ex more Italorum facundus et disertus, diebus nuperrime exactis, Slovacas petiverunt terras longinquas et, ab omnibus hominibus illic versantibus suscepti humanissime, quasdsam orationes habuerunt coram magistris convenientibus ex variis Universitatibus ut methodum naturalem illustrarent qua aptius lingua latina edoceri possit quaque usi professores cuiuslibet disciplinae acta et monumenta pertinentia ad eorum studia discipulorumque commentari et interpretari valeant. Magistra Marta Sendekova semper et ubique cuncta et universa agente perbelle, conventus Cassoviensis ad felicissimum pervenit exitum, omnibus laetis et plaudentibus.
(Photographemata depromta ex : https://www.facebook.com/pg/KatedraHistorieFFUPJS/photos/?tab=album&album_id=2084426838290741&__tn__=-UC-R )